เนื้อเพลง คำสาบเมีย
ศิลปิน: สุวรรณ บ้านดอน
ดนตรี....
นึกถึงจีวิตย์ อดีตป๋างหลัง
น้ำตาปอปัง ย้อยลงอาบแก้ม....
เกยนั่งเกยหมี ศรีใสแต่งแต้ม
เกยได้นอนแอม ยิ้มแยมเจยบาน....
บ่าเดี่ยวตุ๊กยาก ลำบากหลักฐาน
เรื่องเงินเรื่องงาน หลักฐานขัดข้อง
ตั้งแต่เมียต๋าย หายใจ๋บ๋อฮ้อนต้อง....
ดนตรี....
บ้านจองหอห้อง ของเฒ่านาส่วน
มันบ๋อระมวน ของบ๋อควรดีเสี้ยง....
ตะก่อนไปไหน ไผ๋ก็ฮ้องป้อเลี้ยง
บ่าเดี่ยวเงินเสี้ยง เขาก็เรียกจ๋าปอ....
ยศผสมศักดิ์ หลักผสมต๋อ
น่าบูดน่างอ ขอจะไปมาใกล้
กรรมเวรตวยติด ถูกลิขิตต๋อนต้าย....
ดนตรี....
ก่อนเมียต๋ายแจ้งค์ไว้ โหดร้ายเหลือเกิน
การงานการเงิน หื้อเจริญขาดด้วน....
เป๋นเพราะตั๋วเก่า เขาทำมาล้วนๆ
เพราะความเมาม่วน ล้วนเกิดจากตั๋วเอง....
รายได้รายรับ ปิดอัพรถเก๋ง
หาว่าดวงเฮาเฮ่ง เจ๋งอย่างอั้นอย่างอี้
บ๋อเกยฟังกำเมีย เลยเสียใจ๋แบบนี้....
ดนตรี....
ข่มเหงเมียเก๊า ไปเอาเมียปล๋าย
ยกหื้อเป๋นคุณนาย ไล่เจ้าของบ้าน....
ตึงตีตึงตบ ปอสลบก๋างห๋าน
สุดจะต่อต้าน ก้านกำลังป้อจาย....
เมียหลวงซ้ำซอก กลัวไปนอกใจ๋
ปวดร้าวทรวงใน ดวงใจ๋บิ้นบ้าง
เมียใจ๋สลาย เมื่อสายฟ้าผ่าม้าง...
ดนตรี....
วิญญาณจากร่าง กระด้างเป๋นขอน
นำส่งก๋องพร พร้อมอาภรเสื้อผ้า....
ยังจำติดหู กำตี้สูแจ้งข้า
ต่อวันไปหน้า จะเหลือก่าเตี้ยวใน....
อาฆาตจากจิต ก่อนชีวิตจะดับหาย
ขอหื้อตกอาบาย ดั่งในกำจ่มอู้
มีแต่ความเศร้าหมอง ไผ๋บ๋อลองบ๋อฮู้....
ดนตรี....
เมียใหม่คบจู้ มีกู่ปอสอง
ขี่เฮือน้ำนอง ซ้อนสองจ่างล่ม....
จากอ้อยก้อยหวาน น้ำต๋าลเป๋นส้ม
เฮาโดนเปิ้ลต้ม ล้มแล้วชีวา....
บ่าหลับบ่านอน กอดหมอนผวา
จะหลับก็มืนต๋า เอาจ๋นต๋าวันขึ้น
สุขภาพบั้นทอน เหมื่อนเปิ้ลนอนบ่าฟื้น....
ดนตรี....
หนีนอกระบบ สมทบต้นปลาย
ละวุ้นละวาย ขายทรัพซ้ายหนี....
สมบัติเข้าของ เงินทองถิ่นตี้
ส่วนลำใยลิ้นจี่ ขายตี้ขายนา....
เมียใหม่หนีตวยจู้ บ่สู้หน้าสู้ต๋า
โอย!วาสนา มาเป๋นอย่างอี้
ต้าวก้มล้มหงายจะได้ต๋ายเตื้อนี้....
ดนตรี....
เวรก๋รรมทำไว้ ได้ติดต๋ามตั๋ว
เกยสร้างความขุ่นมัว ผัวเกยกลั้นแกล้ง....
สายน้ำเกยไหล มากล๋ายเป๋นแห้ง
กึดถึงกำแจ้ง กำสาบหนที....
ผัวผิดไปแล้ว น้องแก้วยาหยี
นรกอเวจี ต๋อนนี้เผาไหม้
อ้ายเหมื่อนต๋ายทั้งเป๋น เพราะก๋รรมเวรต๋อนต๋าย....
จบ....