เนื้อเพลง ซอวัน อสม

ศิลปิน: หมอสำ_เพลงเพื่อ อสม.

คีย์เพลง Dm

หมอสำมิวสิค.... วันที่ซาวมีนา เวียนมาแล้วหนอ เป็นวัน อสม.มาดีใจ๋เจ่นล้ำ ดนตรี... ลุกมาเมื่อเจ้า เกียมข้าวเกียมของ ลาบ้านลาจองไปกันเร็วไว พ่องไปรถเครื่องรถถีบ บางพ่องก็ฮีบ ขึ้นรถยนต์ไป นายแม่นายกลัวจะไปขวาย คุณหมอเปิ้นจะว่า ดนตรี... กันมาถึงแล้วยังตี่นัดหมาย เฮาก็ปากันไปตั้งขบวนรอถ้า เดินพาเหรดหื้อเปิ้นหันว่า หมู่เฮานี้หนาทำเป็นแบบอย่าง ตี่ดี วันอสม. เฮาต้องเป็นคนดี เป็นศักดิ์เป็นศรีการดูแลสุขภาพ เรื่องเหล้าปูรีเฮาตึงบ่สน เฮาบ่อับจน เพราะเป็นคนเตรียมพร้อม ดนตรี... จัดตั้งขบวน สวนสนามพาเหรด กำหนดเป็นเขต เป็นตำบลแบ่งขั้น รณรงค์ตำบลละเรื่องนั้น หมู่เฮาต้องการ หื้อเปิ้นฮู้ความจริง นายแม่นิงโรคภัยกู่สิ่ง มันน่ากลัวขนาด.. ดนตรี... หื้อเปิ้นได้ฮู้ หื้อเปิ้นได้หัน โรคภัยตึงวันมันน่ากลัวแต๊ๆ พ่องเป็นเบาหวาน ความดันนั้นก็แย่ บางพ่องร่อแร่ เป็นเส้นเลือดตีบ ไขมัน บางคนอุดตัน ตี่หลอดเลือดหัวใจ บางพ่องเป็นไป ถึงอัมพฤกษ์อัมพาต ลางพ่องก็เป็นโรคเอชไอวี บางคนก็มี เป็นไข้หวัดใหญ่ 2009 ดนตรี... ปี่น้อง อสม. ขอประชาสัมพันธ์ รณรงค์จ่วยกันต่อต้านโรคภัย ขอหื้อ ต่านมีความคิด การไจ้จีวิตอย่าประมาทเน้อนาย นาย..แม่นาย เจ็บเป็นป่วยไข้ไผจักมาจ่วย ดนตรี... เดินขบวนแล้วมาถึงตี่หมาย เอิ้นแซวกันไปสนุกม่วนงัน เมินแล้วบ่าได้ปะกั๋น วันนี้ ม่วนงันเหียพ่อง นอนาย เดือนปีผ่านไป บ่าได้ปะกัน วันนี้ขอมัน เมื่อได้หันเจ้าหมู่ วัน อสม.เฮามาม่วนกั๋น สนุกสนานต๋ามประสาปี่น้อง.. ดนตรี... อ้ายแก้วก็มาตึงอ้ายตาอ้ายคำ ปี่สมปี่ปันปี่เอ้ยปี่ใจ ปี่นี้ปะกันแถมแล้ว ปี่แก้วน้องแก้วเขาเป็นจะได... นาย แม่นอ วัน อสม.หยังมาม่วนขนาด ดนตรี... อสม.คือผู้เสียสละ เป็นป่อพระแม่พระ ของปี่น้องจาวบ้าน การงานอันใด ตึงบ่าเกยก้าน ตั้งใจทำงานเพื่อสังคมตลอด แหมกำ ป้องกันโรคร้าย กระจายข่าวดี อันกำขวัญนี้เฮายึดถือตลอด วัน อสม.นั้นเป็นวันยิ่งใหญ่ วันไหนวันใดกะตึงบ่าเต่าวันนี้ ดนตรี... จะเป็นวันปี่ใหม่ จะส่งท้ายปี่เก่า วันใดนั้นเล่ายังบ่าเต่าวันนี้ ต่อหื้อเป็นตรุษจีนคริสต์มาส วันตรุษวันสาร์ท ก็ยังบ่าอาจเทียบได้ นายแม่นี ต้องสมศักดิ์ศรี วัน อสม.แห่งชาติ.. ดนตรี... พิธีเปิดอย่างเป็นทางการ หวานจื่นเจยบาน ม่วนงันเสี้ยงขั้น หมู่เฮาอสม.เขานั้น จะเริ่มมีกิจกรรมประกวด ร้องเพลง อสม. คนใด เขาฮู้ว่าเสียงดี เป็นศักดิ์เป็นศรี ขอเจิญมาแข่ง ไผคนใดเสียงดีเสียงหวาน วันนี้ฮู้กันไผจะก๊านจะแป้.. ดนตรี... ปี่ปันเสียงแป๊บ ปี่แอ๊ดเสียงใส เสียงนุ่มลุงใจ เสี่ยงใหญ่ปี่สอน อ้ายศักดิ์นั้นลูกคอเก้าจั้น ส่วนอ้ายนวลหัวล้าน เสียงไมค์ ภิรมย์พร นอแม่นอง นักร้องเสียงทอง จะเป็นไผกันแน่..... ดนตรี... จะเชียร์คนใด มอบพวงมาลัยเขาพ่อง เจิญปี่เจิญน้อง เฮามาเชียร์แข่งขัน หยังมาม่วนใจ๋เจ่นล้ำ เมื่อหันคนงามเปิ่นก็มาแข่ง นอนาย เฮาแข่งขัน เอาม่วนบ่าดายถึงเสียงบ่าไหว แต่หัวใจเป็นต่อ เสร็จจากแข่งขัน ประกวดร้องเพลง หมู่เฮาครื้นเครง ไปแข่งกีฬาพื้นบ้าน.. ดนตรี... เปิ่นว่ากีฬา มหาสนุก ตึงมีความสุขเมื่อมาแข่งขัน ขอเจิญอสม.แต่ละคน เป็นตัวแทนตำบลออกมาประชัน นาแม่นา เปิ่นว่ากีฬา มันเป็นยาวิเศษ.. ดนตรี... จะวิ่งกระสอบ จะตีก็อล์ฟ ลงหลุม ตึงสาวตึงหนุ่มเขาก็แข่งได้ จะวิ่งสามขา หรือปิดตาตีหม้อไซร้ จะวิ่งแก้เตี่ยวใน เฮาทำได้ตลอด แหมกำ จะกินวิบากหรือจะหาบใบตอง หมู่เฮาปี่น้องทำได้กู่อย่าง เฮาแข่งกีฬ่าเปื่อมหาสนุก ก็เปื่อความสุขบ่าไจ่แป้หรือก้าน ดนตรี... เสร็จจากกีฬาก็มาร่วมทำบุญ เจือจุนอุดหนุนทำบุญร่วมกัน ทอดผ้าป่าหาเงินเข้าชมรม เพื่อสมาคมเสริมความผูกพัน นาน เจ้าแม่นาน หวานจื่นเจยบานอิ่มบุญกันทั่ว ดนตรี... ขอหื้อมีสุข ปลอดตุ๊กตังหลาย ตึงญิงตึงจายตึงหนุ่มตึงเฒ่า วัน อสม.นั้นเล่า ปี่น้องหมู่เฮา หยังมาม่วนขนาด มากมาย สัปป๊ะโรค สัปป๊ะโภยภัย ขออย่าได้มาก๋าย หื้อหนีไปห่างๆ หื้อ อสม.จู่ผู้จู่คน บ่ตุ๊กข์บ่จน หื้อมีเงินเป็นล้าน ดนตรี... สัปปีติโย สัปปะโลโก หื้อสุขีสุโข อายุวันโณสุขัง ฮิหาหื้อได้นักๆ กอนมันกีบมันกั๊บ หื้อนับได้เตื่อละปัน นา แม่นวย อย่าเจ็บไข้ได้ป่วย หื้อร่ำรวยตลอด ดนตรี.... ขอจบกำซอ วัน อสม.นี้ก่อน ขอกราบขอวอน อย่าลืมกันเน้อเจ้า ปีหน้ามาม่วนงันสันเล้า ปี้น้องหมู่เฮา ก่อยมาปะกันน่อ กอยรอ วันที่ซาวมีนา วันอสม.หมู่เฮายังรอ ปะกันแหมใหม่ หมอสำมิวสิค...

← ค้นหาเพลงอื่น

♪ ค้นหาเนื้อเพลง — กว่า 140,000 เพลง