เนื้อเพลง ตามเมีย
ศิลปิน: สัญญา จุฬาพร
ไพรวัลย์ คาราโอเกะ.....
โอ่..โอ..โอย..
โอ..โอ้..โอ...โอยล่ะหน่าย
ดนตรี....
มันสิเป็นบุญหรือว่าบาป
คือถูกสาปหัวใจเต้นผาง
แม่อีนางหอบผ้าหนีผัว
บ่ฮู้ตัวเคียดเคืองเรื่องได๋
ลูกน้อยไห้กระจอ งอแง
ร้องหาแม่หิวนมนำน้อง
นวลละอองไปลี้อยู่ไส
ข้อยตามไปฮอดเมืองโคราช
แล่นพวดพาดไปหาแม่โม
ฮ้องไห้โฮกราบงามสามเทื่อ
ขึ้นทางเหนือไปชัยภูมิ
เป็นคางทูมที่ไปนวดหมอ
แล้วไหว้พ่อพญาแลเลยหาย
เดินทางกายไปผ่านชุมแพ
แล้วแล่นแลมุ่งมาเมืองเลย
ขากลับเลยนั่งดูภูกระดึง
แล้วมาถึงที่ผานกเค้า
ตีรถเข้าขอนแก่นแก่นขอน
ฮอดอุดรบ่อนหนองกระจับ
จังมาคับหัวใจหลายๆ
ฮอดหนองคายคล้ายหนองในอก
ข้ามโขง วกไปฮอดเวียงจันทร์
ข้อยด้นดั้นติดตามถามหา
แล้วเลยมาสกลนคร
ไปเบิ่งบ่อนบึงใหญ่ไพศาล
คือหนองหานบ่พานพบน้อง
ข้อยเลยล่องเข้าสู่ภูพาน
บ่ทันนานมากาฬสิน
ลงไปกินข้าวเหนียวสารคาม
ข้อยติดตามถึงเมืองร้อยเอ็ด
ลงไปเด็ดดอกบัวบึงพลาญ
รถยนต์ผ่านมุกดานาแก
สาวสวยแท้เรณูนคร
แล้วเลยนอนนครพนม
พระธาตุสมเป็นเมืองโบราณ
แล้วแวะผ่านยะโสสาวงาม
เที่ยวติดตามฮอดเมืองอุบล
ข้อยดั้นด้นค้นแก่งสะพือ
ข่าวเขาลืออยู่ศรีษะเกษ
เข้าในเขตุเขาพระวิหาร
รถไปผ่านสุรินทร์บุรีรัมย์
กรรมเอ๋ยกรรมกลับมาบ้านเก่า
เสียงเมียเว้าอยู่จ้อยจ้อย
เสียงเมียเว้าอยู่จ้อย..จ้อย
จบ..******