เนื้อเพลง ต่อแขนต่อขา
ศิลปิน: เฉลิมพล มาลาคำ
ท็อปไลน์-ไดมอนด์
Cyber Music>>>>
น้าเอ๊ย น้าเอ๊ย น้าสาว
ดีใจนำเจ้าที่สิได้แต่งงาน
แต่พี่อ้ายคิดนำหล๊ายหลาย
ว่าเจ้าสิไปรับตำแหน่งแม่บ้าน
เป็นห่วงเรื่องประสบการณ์
นำแนวหมู่นั่น ที่เจ้าบ่เคย
นำแนวหมู่นั่น ที่เจ้าบ่เคย
น้าสาวก็เลยถามขึ้นว่า
แนวใด๋ แนวใด๋ล่ะพี่อ้าย
เรื่องดีหรือร้าย
ฮู้แล้วอย่าวางเฉย
ชี้แนะ ยินดีทำตาม
ได้ยินคำถาม แฮงอยากรู้จังเลย
ย้อนว่าน้องนี่บ่เคย
พี่อ้ายเอ๊ย ให้ซ่อยบอกซ่อยสอน
พี่อ้ายเอ๊ย ให้ซ่อยบอกซ่อยสอน
พี่อ้ายฟัง ดีใจจ้าวจ้าว
มื้ออื่นให้เจ้าไปถ่าข้อยอยู่นา
เลียบแต่งดอกไม้คันนา
สิพาเสียเขา ยกครูค่ายก่อน
เอาผัวมันต้องมีขั้นตอน
พ้อกันอยู่ดอนหัวนาเด้อจ้า
พ้อกันอยู่ดอนหัวนาเด้อจ้า
ตื่นเซ้าสาวก็มาพอดี
เตรียมทำพิธียกครูกับพี่อ้าย
ให้น้าสาวทำโตสบาย
เจ้าอย่าโวยวาย ปากไปปากมา
ถ้าพี่อ้ายเฮ็ดคือผีเข้า
ฝ่ายผู้น้าสาวก็คล้อยตามคือว่า
เสร็จพิธีฟ้าก็เหลืองฟ่าฟ่า
เรื่องนี้ข้อยกับน้าฮู้กันแค่สองคน
เรื่องนี้ข้อยกับน้าฮู้กันแค่สองคน
แต่นั้นมา สาวย่านแฮงหลาย
เที่ยวซวนพี่อ้ายยกครูอยู่บ่เซา
ยกฮอดยามแลงยามเซ้า
หลายหลบหลายเหล่า
หลายเทื่อหลายหน
พี่อ้ายก็เลยหนีให้พ้น
ย่านลูกเมียฮู้ ขืนอยู่ต่อไป
ย่านลูกเมียฮู้ ขืนอยู่ต่อไป
ถึงมื้อน้าสาวแต่งงาน
เธอมีประสบการณ์มั่นใจแล้วน้อ
สามทุ่มส่งตัวเข้าหอ
เล้าโลมเคลียคลอเจ้าบ่าวทันใด
นี่ละพี่อ้ายสอนให้
เจ้าบ่าวแปลกใจก็เลยถามขึ้นว่า
เจ้าคือเก่งเรื่องนี้แท้หวา
เธอตอบไปว่าพี่อ้ายข้อยสอน
เธอตอบไปว่าพี่อ้ายข้อยสอน
ผู้ผัวพอได้ฟังคำนี้
สูนขึ้นทันที บักลุงนี่สำคัญ
ผู้สาวก่อนสิเป็นเมียเฮา
มาถูกเขาหลอกกินเสียก่อน
มึงเด้อ ยังคาเบิ่งถอน
ต้องมีวันแก้แค้น จั๊กมื้ออยู่นา
ต้องมีวันแก้แค้น จั๊กมื้ออยู่นา
ด้วยควมคับแค้นในใจ
ที่ลุงเฮ็ดให้กับเมียเจ้าของ
เฝ้าสอดสายตาคอยมอง
พูก่ำลำพองนั่นคือแม่ป้า
สิหาเรื่องนอนนำคือว่า
เอาคืนก่อนหนา จังสิซ่วงหัวใจ
คำถามว่าป้าเอ๊ยป้า
ตอนนี้หนาผัวเจ้าบ่อยู่
สองเดือนตั้งท้องอ่อนอ่อน
ย่านมันขาดตอน รวมตัวบ่ได้
สิซ่อยต่อแขนต่อขา
ป้าเอ๊ยป้า เจ้าสิว่าจังใด๋
สิว่าจังใด๋หนอป้า หนอป้า
แล้วใด๋เจ้าสิเฮ็ดแล้วน้าบ่าว
ลูกข้อย หลานเจ้า เฮาก็พี่น้องกัน
ให้มันเกิดมาสมบูรณ์
ถือว่าบุญคุณของเจ้าเด้นา
ซังฮอดพ้อมันซำน้า
ต่อแขนต่อขาบ่ทันแล้วกะหนี
ต่อแขนต่อขาบ่ทันแล้วกะหนี
จากนั้นหลายเดือนผ่านไป
ผู้เมียก็ให้กำเนิดลูกออกมา
ผู้ผัวกลับคืนสู่บ้าน
มาเห็นผลงานกะซื่นซมยินดี
หยอกลูกว่าคือเป็นตาฮัก
ลูกไผเนาะคือเป็นตาฮักจังซี้
เมียได้ยินเลยเว้าออกไปว่า
บ่ได้น้าบ่าวต่อแขนต่อขา
จ้างก็เกิดมาบ่สมบูรณ์ปานนี้
ผู้ผัวฟังอุ๊กใจเต็มที
มันนำกูทันซาตินี้อีหลีแท้น้อเวรกรรม
มันนำกูทันซาตินี้อีหลีแท้น้อเวรกรรม.