เนื้อเพลง ต๋ำฮายา 1
ศิลปิน: สมบูรณ์ บุญโรจน์
เพลง..ต๋ำฮายา 1
ต๋ำฮายานี้หนา
ต๋ามตี๊ข้าเกยจ๋ำเกยเจื้อ
คนใดใค่ฮ้างใค่เฮื่อ
หื้อเอาป๋าจ่อม มายำ
กับน้ำปู๋สักสองสามบอก
ปอกส้มบ่าโอ ลงต๋ำ
กิ๋นไปเต๊อะสักสองสามกำ
ป๊ากนี้เป๋นยา วิเศษ
หน้ามอดหน้าลาย
หื้อเอาขี้ควายมาสูนขี้เต้า
สูนไปเต๊อะตี๊ในอองเต่า
แล้วเอาเข้าแปด เข้าตา
วันลูนทั่วหน้าสูจะปากั๋นถามหา
บ่เจื้อไปผ่อเอาเต๊อะตี๊ตำบลศาลา
บ่มีคนหน้าลาย สักแห่ง
ต๋ำฮา ยาป๊ากนี้
เป๋นยาสาวหลับเจื่อนอนเจื่อ
หื้อเอาป้อฮ้างผีเบื่อ
กับตึงบ่าวเฒ่า สามคน
เอามานวดเอามาฟั้น
วันไหนแตงยาหื้อมันสามหน
มันก็จะหายดีเป๋นคน
แล้วมันจะตุ้ย ปุ๋มสวด
คนใดเป๋นขากเป๋นหิด
หื้อไปซื้อเอาจิ้นไก่
หื้อเลือกเอาตั๋วใหญ่ๆ
เอามาแก๋งอ่อม ต้มยำ
ต๋ำฮายา ป๊ากนี้เป๋นยาผีบอกผีปั๋น
กิ๋นไปเต๊อะสักหกเจ็ดวัน
มันตึงบ่คันบ่ได้เก๋า สักเตื้อ
ต๋ำฮายาป๊ากนี้
เป๋นยาของคนเขี้ยวเว่าเขี้ยวหล่อน
หื้อต๋ำพริกแด้อ่อนๆ
ไปตากะโหล้ง หัวควาย
หื้อเขาแหง้นตั้งแต่เมื่อเจ๊า
จ๋นผดตลอด แผวขวาย
แหง้นไปเต๊อะสักสองผากข้าวงาย
เขี้ยวจะออกมา เต๋มปาก
คนใดหัวล้านหัวอง
หื้อเอาขี้แมวโพง
มาสูนขี้เกี๊ยวหมาก
เอามาต๋ำบ่าเลิกเกิกกาก
แล้วต๋ำพริกแด้ ลงแตว
เอาหมาเหยืองเข้าตัดเหียหน้อย
เอาแปดเอาตา ตี๋นผม
แล้วก็โม๊ะตั้งกล๋างหัวลง
ลวดลงแผว ตางง่อน
คนเฒ่า หลังก่อง
หื้อเอาผ้าต่องมัดติดเสา เฮือนจาน
เผาเหล็กแดงมีดก่าเข้าซวาด
ตั้งแต่ตะก้ามผดแผวสันหลัง
ซวาดไปเต๊อะสักสองสามกำ
หลังคนเฒ่าก็จะเป็น คนหนุ่ม
จบ/.สวัสดี/.