เนื้อเพลง ต๋ำฮายา 2
ศิลปิน: สมบูรณ์ บุญโรจน์
Intro..เพลง ต๋ำฮายา.
จดหมาย ไหลมา
เรื่องต๋ำฮายาตี๊ข้าเกยบอก
มาจากอำเภอรอบนอก
เขียนบอกป้อเลี้ยง สมบูรณ์
เขียนมาจากบ้านแม่ขิ
จากบ้านดอยติ จากบ้านแม่สูน
บ่ว่าเจียงใหม่หละปูน
เขียนมาขอบคุณ กั๋นใหญ่
ต๋ำฮายาป๊ากนั้น
ข้าก็กั๊นว่าไผ๋บ่เจื้อ
ออกอากาศวันไหนสิบเตื้อ
คนเจื้อเปิ้นลอง ไปทำ
เฮอะ ลักแต๊อ้ายต๋าผัวปี้ทา
ตางบ้านดงก๋ำ
แป๋งฮื้อเมียกิ๋นได้สามกำ
ป๊วดโซ๊ะยาหยัง วิเศษ
หน้ามอดหน้าลาย
อ้ายผงสันทรายเปิ้นเป๋นคนเล่า
เซาะบ่าได้อย่างเดียวอองเต่า
เลยเอากะโหล้ง มาแตน
เอาขี้ควายสูนกับขี้เต้า
ตาต๋อนเจ๊าตะวันตี๋นแขวน
ตาไปแล้วบ่หันยังแควน
หน้าซ้ำเป๋นแหว้น เหลือเก่า
บ่าวเฒ่าแห่งบ้านแม่สูน
เขียนถึงสมบูรณ์ก็เป๋นดีเจื้อ
ยาขาวหลับเจื่อนอนเจื่อ
เรียงคิวกั๋นเข้า กำคน
ยังบ่ตันตี๊จะได้นวด
ต๋ำหนวดเกือบยิงระยะเผาขน
ยับได้โตยกั๋นสามคน
หาว่าเป๋นโจ๋น ตึงหมู่
คนใดเป๋นขากเป๋นหิด
มันตึงผิดกั๋นกับจี้นไก่
แต่ผีเปิ้นบอกหื้อใจ้
สมบูรณ์ก็ได้ แนะนำ
คนเขียน จดหมายบ่ได้ใส่จื่อ
ถือเหียว่าเป๋นก๋ำ
ใคร่ปะสมบูรณ์ซักกำ
จะเอาต้มยำ แตนไก่
แม่นาง หางดง
เอาขี้แมวโพงมาสูนขี้เกี๊ยวหมาก
เป๋นน้ำลายบ่าเหลิกเกิกกาก
ห่อฝากมาฮื้อ สมบูรณ์
ว่าเอ็นดู ป้อเลี้ยง
กั๋วผมมันเสี้ยง หายสูน
ขอฮื้อป้อเลี้ยงสมบูรณ์
เอาไว้ตาหัว ตั๋วเก่า
จาวบ้านปากบ่อง
สนใจ๋หลังก่องตี๊มัดติดเสา จานเฮือน
เขียนจดหมายว่าใจ๋บ่กล้า
แต่ขอเป๋นม้าติดหลัง
ขอป้อเลี้ยงศรีเตี้ยคนดัง
ลองซวาดหลังเป๋นตั๋วอย่างเหียก่อน
จดหมายฉบับนี้แปลก
ของป้อหนานแขก แม่ขิ
เขียนมาก่อบ่ใจ้มาติ
เขียนจากแม่ขิ ปงตำ
ถ้าป้อเลี้ยงสร้างยาอย่างว่า
จะขอเป๋นขาประจ๋ำ
แต่ป้อเลี้ยงต้องกิ๋นก่อนกู้กำ
เปิ้นจะตานธรรม สองผูก.
จบ..