เนื้อเพลง สาวป่าบง
ศิลปิน: อมตะล้านนา
ดนตรี....
พบนวลละออ
แม่นวลน้องสาวหน้อยป่าบง
บ่าวป่าก่อนยืนงง
โอแม่โฉมยงหยังงามแต๊น้อ
งานบวชตี๊วัด
เปิ้นก็จัดซอหื้อฟังผ่อ
อ้ายไปเซ้ยจ๊างซอ
ต๋าแลผ่อสาวหน้อยสาวจี๋
อึดใจ๋กำเดียว
น้องก็เตียวก๋ายหน้าอ้ายไป
ผ่อตางหลังเหมือนลูกแม่ใบ
ผ่อตางหน้าไปคล้ายลูกแม่ศรี
สะลิดปิดป้าง
ชมอี่นางลูกผู้ดี
ปะบ่าวปะก่อนฟั้งหนี
เหมือนลุงดีเปิ้นฟั้งไปโต้ง
บ่าวบ้านห้วย
เปิ้นก็ตวยจีบน้องเหมือนกั๋น
บ่าวหนองล่องจ้องตาเป็นมัน
บ่าวฮ่อมดอยนั้นบอกลืมบ่ลง
เปิ้นมีรถยนต์ขี่บนถนนปลอดโปร่ง
ตั๋วอ้ายนั้นเตียวลัดโต้ง
สาวป่าบงเลยบ่สนใจ๋
จ๊างเต๊อะคนงาม
หื้อบ่าวป่าก่อนลักเมาก็ปอ
จ๊าดหน้ามีจริงเน้อหนอ
ก่อยปลูกเรือนหอปะกั๋นจ๊าดใหม่
จ๊าดนี้อ้ายจ๋น
เกิดเป็นคนกับเปิ้นบ่ดาย
กึ๊ดหยังบ่ได้ดังใจ๋
ลักเมาเปิ้นไปจ้ำใจ๋คนเดียว
ดนตรี....
บ่าวบ้านห้วย
เปิ้นก็ตวยจีบหน้องเหมือนกั๋น
บ่าวหนองล่องจ้องตาเป็นมัน
บ่าวฮ่อมดอยนั้นบอกลืมบ่ลง
เปิ้นมีรถยนต์ขี่บนถนนปลอดโปร่ง
ตั๋วอ้ายนั้นเตียวลัดโต้ง
สาวป่าบงเลยบ่สนใจ๋
จ๊างเต๊อะคนงาม
หื้อบ่าวป่าก่อนลักเมาก็ปอ
จ๊าดหน้ามีจริงเน้อหนอ
ก่อยปลูกเรือนหอปะกั๋นจ๊าดใหม่
จ๊าดนี้อ้ายจ๋น
เกิดเป็นคนกับเปิ้นบ่ดาย
กึ๊ดหยังบ่ได้ดังใจ๋
ลักเมาเปิ้นไปจ้ำใจ๋คนเดียว
จบ/.สวัสดี/.