เนื้อเพลง สุดนำแนน

ศิลปิน: ระเบียบวาทะศิลป์

คีย์เพลง C

เพลง สุดนำแนน (รวม).ข้า แต่โชคชะตา บ่อนมันสุด อยู่เทิ่งฟ้ากับแถน อยากสิจ่อง ไลเบิ่งสายแนน สองเฮาสิแมน กกเดียวหรือบ่ (ภังคี) ไอ่คำเอ้ย เป็นหยังฮักจั่งฮวนฮ้อมใจเฮา (นางไอ่) คิดนำเขาสิหลูดสิล้มแท้หนอ (ผาแดง) คำว่าฮัก มันแค้นคักจ่อล่อ (ชพ) คึดไปใสบ่พ้อ บ่อนสิพอได้ซอน (ผาแดง) สุดสิวอน สุดสิถ้อน ควมคนิงหา (ภังคี) ปานลอยคอกลาง ทะเลน้ำตา แนมสุดปลายฟ้า บ่พ้อทาง ไปต่อ (นางไอ่) จักแมนกรรมหรือเวร จักสิหลีก สิเว้น จั่งได๋เด้นอ (รวม) แนนบ่ควมเค้า กกเกลียวเกี้ยวก่อ ฮักเฮานี่หนอ จั่งมายม้าง ห่างกัน (ผาแดง) อ้ายประชัน บั้งไฟ พ่าย ให้แก่เขา บุญ บ่สม สิเอา แก้วไอ่ มาไว้นอนซอน (ชญ) สายแนนเฮาบ่ถึง หรือแมนเขาดึงไปก่อน (ผาแดง) สายคออ้าย แม่คนไค งามงอน ผลาบ่พอซ้อน เลยได้แต่คึดนำ ไอ่คำคนไค ของอ้าย คอยอยู่ดีสา คองมื้อ บาดอ้ายหลบมา สิพาขวัญตา หนีไปหา บ่อนซ้อน สร้างวิมานสองเฮา คอง เด้อหล่า คองอ้ายสาก่อน สัญญาใจ แม่คนไค งามงอน ฟ้า ดินอ้ายวอน ว่าเป็น พยาน. (เว้าผญา) นี่ล่ะพี่น้องเอ่ย เพิ่นจั่งว่า คนเทียวลงไซ้ซาติ ในโลกากงโลก มีซังฮักฮ่วมฮ้อม ดีฮ้ายม่ายใส่กัน เป็นอันสาละวนเกี้ยว คือเดียวดังเดียว เกี้ยวก่ายพันธนัง น้าวเวรเข้าฮ่วมซอน มาถึงตอนบ่อนข้อ จ้อม่อพอควร สิด่วนจาความนิทาน เหตุมันมีแจ้ง สองบาท้าว กับนางงามน้อยอ่อน บุพกรรมนำซอน ฮอดบ่อนสิได้ม้าง ทางหมู่เจ้าให้คอยฟัง เอาเด้อ (ภังคีร้อง) ตั้งแต่คราวนั้น งานบุญบั้งไฟ อ้ายคึดนำแต่เจ้า อยากได้เด้ อยากเอา มาเป็นคู่ซอน นอนเสื่อ คนิงนำเซ้าค่ำ อยากพ้อหน้าก้อนคำ เบิ่งอีกจักเทือ ฮำฮี ฮำฮอน นำแม่บุญเหลือ พ้ออีกจักเทือ ตายอ้ายบ่ว่า จังเตรียมเอาได้ พลแพน แห่แหนพร้อมพร่ำ ว่าแล้ว ร่ายมนต์ดำ แปลงกายนาคน้ำ เป็น กระฮอกด่อน แขนกะดิงคำ สิไปจอบก้อนคำ เจ้าผู้ขนตางอน เสียงกะดิงคำ ดังนำลมว้อนวอน น้องสิสะออน นำอ้าย บ่หนา (นางไอ่ลำ) นาง นาฎหล่า นางนาฎหล่ายินกระดิงดังม่วน ไอ่คำหลิงมวลกระฮอก ไต่เต้นต่างสี มีหนึ่งนั้น สีเสวตขาวงาม จังมีความอยากเอา แนบเนาเลียนซ้อน ไล่ตีต้อน ตีต้อนจับบ่ได้จักเทือ แนวมันเฟื้อง่าไม้ ไต่เต้น เติ่นหนี ลองบาดนี้ บาดนี้สิน้าวเหนี่ยวธนูศร ยิงให้มันตายตก บ่เหลือคิงคาค้าง นางงามง้าง นาง งามง้างแนมศรมองส่อง นาง งามง้าง แนมศรมองส่อง เป็นเทือเวรกรรมต้อง จ่องให้ม่ายกัน (ภังคี) เฝ้าฝัน ฮอดเจ้า นับแต่เฮาพ้อหน้า ย่อน คนิงหา อ้ายจั่งแปลงมา เป็นกระฮอกด่อน จอบซอมนำเงาไม้ ย่อนคึดอยากอยู่ใกล้ เจ้าผู้ขนตางอน บาดตอนสุดท้าย อ้ายตายย่อนศร ไอ่คำงามงอน ย่อนหยังบอกแน แมนบ่ฮักฮ่วมอ้าย กะบ่ได้ว่า แก้วตาคนไค เป็นหยังจั่งมาเฮ็ดใส่ เอาศรยิงผ่าใจ ให้อ้าย ชอกช้ำ ได้แต่โสกีไห้ สายสมร เจ้าบ่หลิงหล่ำ บ่ฮักบ่ว่า กะเป็นหยังซางทำ บ่เคยคึดนำ ปานนั้น สั่นบ่ (ลำ) ขอ แต่ฟ้า แต่ฟ้า ข้าสิวอนวอนว่า ขอให้กายผู้ข้า ปันได้ล้านโกฎกือ ให้ลือล้น คนส่าลือซา ให้หลั่งเวียนมาขน แก่วนเวียนฮ้อม ให้หอมเฮ้า ชวนลองซิมเบิ่ง คนเทิ่งทีปเหนือใต้ หยายได้คู่กัน แล้วเทือนั้น สิว่าสาธุสา แมนไผกินให้มันมาย เพพังบ่เว้น ธรณีปิ้น ดินแหงเป็นหลวงหล่ม ให้มันสมซาเซื่อ คนได้ ล่วงทำ (เว้าผญา) เทื่อนั้น ฝูงนาคดั้นพื้น ทะเลใหญ่หนองหลวง เทิงบาดาล นาคนำภายใต้ เฮือนซานเล้า พังทะลายมุดมอด ในข่วงคุ้ม เวียงกว้าง หล่มหลวง อันว่าผาสาทเจ้า จอมเอกพญาขอม เวียงวังหลวง มุ่นเพพังม้วน ปวงซาวบ้าน เฮือนซานจมจอด หล่มมาฮอดปราสาทกว้าง เวียงนางไท้ไอ่คำ นาคได้ทำดั้นพื้น ภายลุ่มเป็นหลุม ฟังเสียงเค็งเค็งดัง หวั่นไหวสะเทือนฟ้า ธรณีหล่ม คือเสียงฟ้าลั่น ดินแตกม้าง เป็นส่างใหญ่หลวง แท้แหล้ว

← ค้นหาเพลงอื่น

🔮 ดูดวง/สีมงคลวันนี้  ·  ♪ ค้นหาเนื้อเพลง 140,000+ เพลง