เนื้อเพลง ออกพรรษา
ศิลปิน: พิภพ ศิษย์ทิดโส
เพลง : ออกพรรษา
ศิลปิน : พิภพ ศิษย์ทิดโส
(โอ่เกริ่น)....
โอ้ย...ฮะโอ โอ..โอ้ะโอ้ะโอย...
ฮะโอ้ะโอ โอ้โอ
ฮะโอ โอ่โอโอ้โอย
ฮะโอ้ะโอ.. โอ่โอโอ้โอย
โอ้..โอ้.. ละ..นา...
ดนตรี....
ออกพรรษา ฝนลาฟ้าใส
เบิ่งนาไร่ เรื่อเหลืองเรืองรอง
เบิ่งรวงทอง ลมพัดอ่อนไหว
เบิ่งดอกไม้ ใบหลายสะพรั่ง
คือมนต์ขลัง ของธรรมชาติ
พอปานวาด เอาไว้ตระการ
เฮาเบิกบาน ใจผู้สู่คน.!.
เอ้อ.!.เออ..เออะเออ เออะเอย...
ฟ้าหลังฝน บ้านนอกคอกนา
ออกพรรษา ฟ้าแจ้งจางปาง
ไผน้อซ่าง มาเฮ็ดเฮือไฟ
สิเอาไป พร้อมกระทง ลอยน้ำ
ยามค่ำๆ จั่งไปน้อเฮา
ทั้งผู้บ่าว ผู้สาวเด็กน้อย
พากันซ่อย ตบแต่งเฮือไฟ
สิเอาไป ลอยน้ำแม่มูล
คุ้มหนึ่งนั้น ทำบุญข้าวสาก
ผู้ใหญ่มาก กับแม่ใหญ่มี
ทำพิธี ส่งข้าวให้เปรต
บ้างฟังเทศน์ ทำบุญเลี้ยงพระ
บางคุ้มกะ คอยทอดกฐิน
บ้างหากิน เสร็จแล้วเฮ็ดงาน
เก็บกวาดลาน จัดทำเวที.!.
ค่ำลงมี.!. ดนตรีทิดโส
ม่วนพาโล ผู้สาวงามงาม
ท้ายลามลาม ตักน้ำมาใซ้
คุถังใส่ ไม้คานหาบคอน
แอว..อ่อนอ่อน หย่างมาฟ่าวๆ
หมู่หนุ่มสาว กลับจากตัวเมือง
เผิ่นเสร็จเรื่อง เลิกงานประจำ
มาซ่อยทำ.!. ซุ้มประตูวัด
สารพัด ซ่อยเฮ็ดกันไป
คนละไม้ คนละมือ มื้อนี่
ประเพณี บุญออกพรรษา
เผิ่นทำมา แต่โบราณกาล
หลายหมู่บ้าน สองฟากฝั่งมูล
จั่งค้ำคูน มาถึงป่านนี่
สา..มัคคี ม่วนซื่นโฮแซว
หนุ่มเผิ่นแอ่ว ออกเป็นพญา
สาวตอบมา สนุกสนาน
หนุ่มหน้าบาน สาวเฮเสสรวล
จั่ง..มาม่วน..แท้น้อ
จั่ง..มาม่วน..แท้นอ...
แท้นอ โอ้ยแท้น้อ แท้นอ...
แท้นอ โอ้ยแท้น้อ แท้นอ...
แท้นอ โอ้ยแท้น้อ แท้นอ..เออะๆ เอย...
จบเพลง....
ปาดคำร้อง : Numnim วาส้านนนน