เนื้อเพลง NEW NOR ม่วน
ศิลปิน: บุ๋ม กนกพร
NEW NOR ม่วน - บุ๋ม กนกพร
ลืมกันไป่น้อ จากที่เคยพ้อหน้าเวที
สิหย่าวให้ได้คือแต่กี้ สิมีโอกาสมื่อใด๋
พ้อกันทางหน้าจอ เอาน้อพี่น้องป้องปาย
เอิ้นว่าคนออนไลน์วิถีใหม่ นิวน้อม่วน
จ้วดดด<<<<<<
จั่งใด๋แนเพื่อนสาวพร้อมสิหย่าวละไป่
เคิกจากการแล่นไม้ ดนปานใด๋แล้วซุมเฮา
เทิงโรคโควิด เทิงเศรษฐกิจกะซบเซา
บรรยากาศเก่าๆ ต้องเข้าแล้ว ณ บัดนี้
คณะ คมล. คนมักลำบ่ขัดข้อง
มาตามคำเรียกร้อง ของพี่น้อง FC
เต้ยแบบนิวน้อม่วน ฟ้อนอ้อมเฟสยุค 5G
ถืกใจกะติ๊บให้แนตี้ เลขบัญชีอยู่ด้านบน
แตกจ้นๆ สมาร์ทโฟนพาหย่าว
โอ้ยแตกจ้นๆ สมาร์ทโฟนพาหย่าว
เหงาเป็นเหตุสังเกตุได้ ตีมือไว้กะบ่ฟัง
ดนๆครั้งเอาความม่วนฝ่าวิกฤติ
ชีวิตเฮาที่ยัง อย่าปล่อยพังไปนำโรค
โศกกะสิพาพี่น้องหย่าว
เหงากะสิพาพี่น้องม่วน
มอบความสุขตามสมมาพาควร
แบบด่วนๆฮอดหัวบ่นนอน
บ่มีแต่ปลาอีฮือ
บ่ได้จับมือแต่กะยังได้ย้อน
ฟ้อนฟ้อนพี่น้องฟ้อน
ฟ้อนฟ้อนพี่น้องฟ้อน
เฮ็ดแอวอ่อนๆเด้งใส่หน้าจอ
พอคราวแล้วสิลำเดินขอนแก่น
พอคราวแล้วสิลำเดินขอนแก่น
อีกลำแพน ลำเพลิน
เทิงลำเดินลำเต้ยผสมเข้าหย่าวสู่ฟัง
คอมเม้นบ้างกดไลท์แนส่อยแชร์หนุน
บ่เคยลืมบุญคุณทุกคนยังจำแม่น
อยากเห็นแฟนๆอยู่หน้าฮ้าน
อยากมางันเอาบุญคือเก่าหลัง
อยากเปิดแมสอยากมาลำสู่ฟัง
คิดฮอดจัง FC ทุกคน
ดีใจล้นแฟนๆยังแน่นอั่ง
โอ้ยดีใจล้นแฟนๆยังแน่นอั่ง
ถึงบ่แม่นหน้าฮ้านอีหลีนั่นกะบ่ไล
คอนเสิร์ตออนไลน์ EP.ไหนก็เมตตา
ขอให้โรคภัยร้ายๆได้ส่างซา
พ้อกัน EP.หน้า เป็นคอนเสิร์ตเปิดแมส